علی رحمتین هماسی نه نشانه سن خدادن
که دوشوبدی   خلقتونله   یئره سایه  همادن
اگر اللهی سورشسان باخ علی کمالینه گور
که علی کمالی آگه ایلیوب  منی   خدادن

بیر  اثر فنادن  اولماز  ایکی  عالم خداده
اگر  اول علی حمایت ایده چشمه بقادن
دئمورم علی بولود تک یاغا یوخسا اول جهنم
دوتار  اوت یانار  الولار  تن و جان  ماسوادن

یئری ای فتاده سائل  گئت علی سراسینی چال
که علی دی پادشاهلیق اوزو گون ورن سخادن
علی دن سوایه کیمسه گتیرر حسین تک اولاد
که  جهانها  ایتدی   اعلان   شهدانی   کربلاندن

کیم ائدر وفای عهده که قورولدی  یولداشیلان
علی ایستورم که  ویرسون  بیله  امتحان وفادن
نه  بشر  دئماخ  روادی  نه خدا دئماخ   سزادی
نه  آدیله  وصف   ائدوم  من  بیله شاه  لافتادن

قان آخیر  ایکی  گوزومدن  یئتیر اول غبار کویون
که  بو خون چشمه مرحم   اولا  تربت   شفادن
بو  امیدیلن  که  شاید سنه چاتسین اول پیاملار
اوره گین سیزیلتیسیدان یولا سالمیشان صبادن

سن اگر قضا چویروسن سنی یوخسولون دعاسی
اوزون  آفتین  یولون  کس بیزی   حفظ ایله  بلادن
نئجه سیزلاییم  من اونسوز قوری نی کیمی همیشه
که   گوزل   دییوبدی   حافظ  بو  کلامی  مین نوادن

گئجه لر   امیدوارم   که   سحر   سازاغی   بلکه
چالا    آشنا    پیامی     ایده    یاد    آشنادن
گئجه نصفی شهریارا  ایشید اول قوشون نداسین
اوره گین غمین  دئیرکن نئجه ذکر ائدر خدادن